"Tottenxem" bosh murabbiyi Ange Postekoglu "Manchester Siti"ga qarshi o‘yin oldidan "shaharliklar"ning ustunligi APL uchun muammomi yoki yo‘qmi degan savolga javob berdi.
"Manchester Siti" hali chempion emas. Bu muhim nuqta. Agar siz "Manchester Siti" ketma-ket to‘rtinchi chempionlikni qo‘lga kiritgan deb o‘ylasangiz, bu muammoga aylanadi, chunki biz ular uchun qizil gilam yoyib bergandek bo‘lamiz. Men buni qilmoqchi emasman, boshqa murabbiy ham bu ustunlikni yo‘qotib, ularga qarshi tura oladigan jamoa qurishni istaydi", - dedi Postekoglu.
"Tottenxem" - "Manchester Siti" uchrashuvi 14 may kuni Toshkent vaqti bilan soat 23:55da boshlanadi.