Angliya chempionligi uchun “Manchester Siti” va “Arsenal” kurash olib bormoqda. Shanba kuni “shaharliklar” mehmonda “Fulxem”ni 4:0 hisobida mag‘lub etgan bo‘lsa, ertasi kuni “kanonirlar” “Manchester Yunayted” mehmoni bo‘lib, 1:0 hisobida zafar quchdi.
Opta kompaniyasi tahlilchilari o‘zlarining superkompyuterini ishga tushirishdi va dam olish kunlari oxirida "Manchester Siti" va "Arsenal"ning chempionlik uchun imkoniyatlarini hisoblab chiqdilar.
Endilikda Pep Gvardiola jamoasining chempionlikni qo‘lga kiritish imkoniyati 58,7 foiz, “Arsenal”ning imkoniyati esa 41,3 foizga baholanmoqda.
Ma’lum bo‘lishicha, tur yakuniga ko‘ra, "Manchester Siti"ning imkoniyatlari 7,2 foizga kamaydi, "Arsenal"ning imkoniyatlari esa mos ravishda xuddi shunday 7,2 foizga oshgan.
