Англия чемпионлиги учун “Манчестер Сити” ва “Арсенал” кураш олиб бормоқда. Шанба куни “шаҳарликлар” меҳмонда “Фулхэм”ни 4:0 ҳисобида мағлуб этган бўлса, эртаси куни “канонирлар” “Манчестер Юнайтед” меҳмони бўлиб, 1:0 ҳисобида зафар қучди.
Opta компанияси таҳлилчилари ўзларининг суперкомпьютерини ишга туширишди ва дам олиш кунлари охирида "Манчестер Сити" ва "Арсенал"нинг чемпионлик учун имкониятларини ҳисоблаб чиқдилар.
Эндиликда Пеп Гвардиола жамоасининг чемпионликни қўлга киритиш имконияти 58,7 фоиз, “Арсенал”нинг имконияти эса 41,3 фоизга баҳоланмоқда.
Маълум бўлишича, тур якунига кўра, "Манчестер Сити"нинг имкониятлари 7,2 фоизга камайди, "Арсенал"нинг имкониятлари эса мос равишда худди шундай 7,2 фоизга ошган.
