"Реал Мадрид" жамоаси дарвозабони Тибо Куртуа Испания Ла Лигасининг 26-турида ўз майдонида "Хетафе"га 0:1 ҳисобида мағлуб бўлган ўйиндан кейин мухлислардан узр сўради. Бу ҳақда Madrid Zone ижтимоий тармоқдаги X саҳифаси El Mundo нашрига таяниб хабар берди.
Манба маълумотига кўра, айнан Куртуа «Қироллик клуби» футболчилари орасида мухлислар сектори томон бориб, уларга миннатдорлик билдирган ва узр сўраган ягона ўйинчи бўлди.
Шунингдек, ўйиндан кейин «Реал»нинг бошқа футболчилари махсус интервью ҳудудида оммавий ахборот воситалари вакиллари билан мулоқотни инкор этгани таъкидланмоқда.
Мазкур учрашувдан сўнг «Реал» 60 очко билан Испания чемпионати турнир жадвалида иккинчи ўринда бормоқда. Пешқадамликни 64 очко билан "Барселона" эгаллаб турибди. "Хетафе" эса 32 очко билан 11-поғонада жойлашган.













