"Betis"ning tajribali futbolchisi, hujumkor yarim himoyachi Isko Germaniyada bo‘lib o‘tadigan futbol bo‘yicha Yevropa chempionatiga borishi mumkin. Bu haqda "qizil furiya" bosh murabbiyi Luis de la Fuente shama qildi.
"Isko - men sevadigan futbolchi va ajoyib mavsum o‘tkazmoqda. Kecha u ajoyib o‘yin o‘tkazdi. Haqiqat shundaki, u biz bilan bo‘la oladi", - deya de la Fuente so‘zlarini keltirmoqda Mundo Deportivo (Mediset nashriga bergan intervyusidan iqtibos keltirgan).
32 yoshli Isko "Betis" uchun ajoyib mavsumni o‘tkazmoqda. Ispaniya chempionatining 28 uchrashuvida u 8 ta gol urgan va 5 ta golli uzatmaga mualliflik qilgan.