"Бетис"нинг тажрибали футболчиси, ҳужумкор ярим ҳимоячи Иско Германияда бўлиб ўтадиган футбол бўйича Европа чемпионатига бориши мумкин. Бу ҳақда "қизил фурия" бош мураббийи Луис де ла Фуэнте шама қилди.
"Иско - мен севадиган футболчи ва ажойиб мавсум ўтказмоқда. Кеча у ажойиб ўйин ўтказди. Ҳақиқат шундаки, у биз билан бўла олади", - дея де ла Фуэнте сўзларини келтирмоқда Mundo Deportivo (Mediset нашрига берган интервьюсидан иқтибос келтирган).
32 ёшли Иско "Бетис" учун ажойиб мавсумни ўтказмоқда. Испания чемпионатининг 28 учрашувида у 8 та гол урган ва 5 та голли узатмага муаллифлик қилган.