Germaniya terma jamoasi va Myunxenning "Bavariya" klubi sobiq futbolchisi Ditmar Xamann hujumchi Xarri Keynning myunxenliklar safiga o‘tishi haqida o‘z fikrlarini bildirdi.
“Klub nechta sovrin yutdi? O‘tgan mavsumda jamoa Keynsiz ko‘proq gol urgandi. Uning juda katta maoshi bor, transfer 100 million yevro. Agar Tel uning o‘rniga asosiy tarkibda o‘ynaganida, bundan yomonroq bo‘lmasdi, deb o‘ylayman. Lekin men Xarrini ayblamayman. Klub uning nomi yozilgan ko‘plab futbolkalarni sotdi. Bu yulduzli transfer edi. Bu xato bo‘lgan-bo‘lmagani bahsli", - deydi Ditmar.
Germaniya chempionatining joriy mavsumida Keyn 36 ta gol urdi.
