"Yuventus" bosh murabbiyi Massimiliano Allegri, chorshanba oqshomida "Olimpiko" stadionida bo‘lib o‘tadigan Italiya kubogi finalida "Atalanta" favorit ekani haqidagi fikrlarga munosabat bildirdi.
"Biz Chempionlar Ligasidagi maqsadimizga erishdik va endi bizni juda yaxshi o‘yin ko‘rsatayotgan jamoaga qarshi ajoyib final kutib turibdi va men ham ularni Yevropa Ligasi finaliga chiqqani bilan tabriklayman.
Italiya kubogi finallari har doim 50/50 ustunlikda o‘tadi. Ayni damda hamma “Atalanta”ni favorit deb hisoblaydi va biz uchun ertaga so‘nggi final bo‘lishi mumkin.
Bu aniqlik, xotirjamlik va konsentrasiyani talab qiladi va yaxshiroq jamoa g‘alaba qozonadi.
Biz avvalgi finallarda bo‘lgani kabi, "Atalanta"ga hurmat bilan o‘ynaymiz. Ammo kubokni o‘zimiz bilan uyga olib kelish uchun bizga ishonch kerak", – dedi Allegri.