Yozgi transfer oynasida "Napoli" katta ehtimol bilan Viktor Osimxen bilan xayrlashadi. Neapolliklar hujumchisi Kilian Mbappening "PSJ"dagi o‘rnini to‘ldirishi kutilmoqda.
"Transfer News Live" xabariga ko‘ra, "Napoli" yozda Osimxen o‘rniga APLda jonbozlik ko‘rsatayotgan "Kristal Pelas" hujumchisi Jan-Filipp Mateta bilan shartnoma imzolamoqchi. Bu borada muzokaralar allaqachon boshlab yuborilgan.
Fransiyalik 26 yoshli forvard "Transfermarkt" portalida 10 million yevroga baholanmoqda. U joriy mavsumda londonliklar safida jami 38 ta o‘yinda 16 bor raqiblar darvozasiga yo‘l topib, 4 ta assist qayd etdi.
