Ёзги трансфер ойнасида "Наполи" катта эҳтимол билан Виктор Осимхен билан хайрлашади. Неаполликлар ҳужумчиси Килиан Мбаппенинг "ПСЖ"даги ўрнини тўлдириши кутилмоқда.
"Transfer News Live" хабарига кўра, "Наполи" ёзда Осимхен ўрнига АПЛда жонбозлик кўрсатаётган "Кристал Пэлас" ҳужумчиси Жан-Филипп Матета билан шартнома имзоламоқчи. Бу борада музокаралар аллақачон бошлаб юборилган.
Франциялик 26 ёшли форвард "Transfermarkt" порталида 10 миллион еврога баҳоланмоқда. У жорий мавсумда лондонликлар сафида жами 38 та ўйинда 16 бор рақиблар дарвозасига йўл топиб, 4 та ассист қайд этди.
