"Bavariya" kelasi mavsum uchun bosh murabbiy tanlashga qaror qildi. Myunxen klubi bir qator mutaxassislarni taklif qila olmaganidan so‘ng, Tomas Tuxelni olib qolishga qaror qilishdi.
Shu bilan birga, German Sky xabariga ko‘ra, kelishuv hali yopilmagan — muzokaralar jarayoni davom etmoqda.
Aytish joizki, “Bavariya” Tuxelning ketishini fevral oyidayoq mavsum oxirida e’lon qilgan edi. O‘shandan beri myunxenliklar Xabi Alonso, Yulian Nagelsmann, Ralf Rangnik va hatto Oliver Glasner bilan kelishuvga erisha olmayapti.
Agar “Bavariya” kutilmaganda Tuxelni saqlab qola olmasa, klub Roberto de Zerbi (“Brayton”) yoki Erik ten Xag (“Manchester Yunayted”)ni o‘ziga jalb qilishga urinishi mumkin.
