"Бавария" келаси мавсум учун бош мураббий танлашга қарор қилди. Мюнхен клуби бир қатор мутахассисларни таклиф қила олмаганидан сўнг, Томас Тухелни олиб қолишга қарор қилишди.

Шу билан бирга, German Sky хабарига кўра, келишув ҳали ёпилмаган — музокаралар жараёни давом этмоқда.

Айтиш жоизки, “Бавария” Тухелнинг кетишини февраль ойидаёқ мавсум охирида эълон қилган эди. Ўшандан бери мюнхенликлар Хаби Алонсо, Юлиан Нагельсманн, Ральф Рангник ва ҳатто Оливер Гласнер билан келишувга эриша олмаяпти.

Агар “Бавария” кутилмаганда Тухелни сақлаб қола олмаса, клуб Роберто де Зерби (“Брайтон”) ёки Эрик тен Хаг (“Манчестер Юнайтед”)ни ўзига жалб қилишга уриниши мумкин.