Marca nashrining anonim manbalarga tayanib xabar berishicha, "Real"ning asosiy futbolchisi Chempionlar ligasi finalida ishtirok eta olmaydi.
Klub 9 may kuni rasmiy bayonot orqali Aureliyen Tchuameni jarohat olganini tasdiqlagandi.
"Real Madrid tibbiyot xizmatining bugun Aureliyen Tchuameni ustidan o‘tkazgan tekshiruvlaridan so‘ng, uning chap oyog‘ida jarohati borligi aniqlandi.
24 yoshli futbolchi formada bo‘lish uchun qo‘lidan kelgan barcha ishni qilmoqda, ammo uning jarohati "Uembli"da o‘ynashga imkon bermaydi va endi uning maqsadi Fransiya terma jamoasi bilan Yevropa chempionatida ishtirok etish bo‘ladi.
