"Real Madrid" kelasi yil uchun yuqori darajadagi transferni rejalashtirgan. Xabaringiz bor, qirollik klubi uzoq vaqtdan beri Leverkuzenning “Bayer” klubida o‘ynayotgan Florian Virtsni kuzatib kelmoqda.
Relevo xabariga ko‘ra, "Real Madrid" kelasi yili 21 yoshli hujumkor yarim himoyachini sotib olishga to‘liq e’tibor qaratishga qaror qilgan. Nemis uchun raqobat avvalroq o‘sib borayotgan yulduz uchun asosiy da’vogar deb atalgan "Bavariya" bilan bo‘ladi.
Florian Virtsning "Bayer" bilan shartnomasi 2027 yilgacha mo‘ljallangan. Transfermarkt portali ekspertlari “dorichilar” yetakchisining narxini 110 million yevroga baholamoqda.
