«Lill» himoyachisi Leni Yoro manfaatlarini himoya qilayotgan Xorxe Mendesh «Real»dan tushgan taklif tufayli yozda futbolchining transferi borasida «PSJ» bilan kelishuvni buzmoqchi. Bu haqda Sport.es xabar bermoqda.
Manbaga ko‘ra, "Lill" va "PSJ" futbolchi bo‘yicha kelishuvga erishgan, unga ko‘ra Parij klubi futbolchining transferi uchun 50 million yevrodan 60 million yevrogacha to‘lashi kerak edi, shuningdek, Kilian Mbappening ukasi Etan ham bitimga qo‘shilishi mumkin.
Ammo ma’lum qilinishicha, futbolchining agenti shartnomani bekor qilmoqchi, chunki «Real» futbolchining o‘ziga ham, vakiliga ham qulayroq shartlarni taklif qilmoqda.
