“Bayer” bosh murabbiyi Xabi Alonso “Atalanta”ga (0:3) qarshi Yevropa ligasi finali yakunlarini sarhisob qildi.

“Biz bugun yomon kun o‘tkazishimizni mutlaqo rejalashtirmagandik. Biz ko‘p qiyin vaziyatlarga dosh bera olmadik, "Atalanta" bizdan juda ko‘p narsani talab qildi. G‘alaba qozonish uchun kerakli vaziyatlarda to‘pni nazorat qila olmadik. Mag‘lubiyatsiz seriya nihoyasiga yetdi, ammo “Atalanta”ni tabriklayman, ular bunga loyiq.

Ular har jihatdan yaxshiroq edi, deya olaman. Birinchi golni urganlarida ularda katta kuch bor edi. Biz bundan saboq olishimiz kerak. Bu bugungidek muhim kunda sodir bo‘layotgani alam qiladi, ammo shanba kuni bizda yana bir final bor va biz bundan saboq olishga harakat qilamiz", - deya Xabi Alonso so‘zlarini keltirmoqda TNT Sports.