Madridning “Atletiko” klubi hujumchi Antuan Grizmann bilan shartnomani uzaytiradi.
Manbaning xabariga ko‘ra, klub va futbolchi 2026 yilning iyunida tugaydigan shartnomani uzaytirish bo‘yicha muzokaralarda yakuniy tafsilotlarni ishlab chiqmoqda.
Qayd etilishicha, Saudiya Arabistoni klublari Grizmannga qiziqish bildirgan, biroq futbolchi Madrid klubida imkon qadar ko‘proq vaqt o‘tkazib, keyin MLSda to‘p tepadigan klublardan biriga o‘tishni istayotganini ochiq aytgan.
Joriy mavsumda Grizmann klub safida barcha musobaqalarda 47 ta o‘yinda qatnashib, 24 ta gol urdi va 8 ta golli uzatmani amalga oshirdi.
