«Ipsvich» bosh murabbiyi Kiran Makkenna Londonning «Chelsi» klubini boshqarishga rozi bo‘ldi. "Evening Standard" nashri jurnalisti Nik Puruelning xabar berishicha, shimoliy irlandiyalik mutaxassis «ko‘klar» rahbariyatiga Maurisio Pochettinoning o‘rnini to‘ldirishga tayyorligini aniq aytgan.
Qayd etilishicha, «Chelsi» endi «Ipsvich» bilan bog‘lanib, 5 million yevro atrofidagi tovon pulini to‘lashi kerak. «Brayton» uchun ham Makkenna varianti qiziq edi, ammo mutaxassis «Chelsi» variantni afzal ko‘rdi.
Eslatib o‘tamiz, Kiran avvalroq «Manchester Yunayted» yoshlar jamoasini boshqargan. 3 yil ichida u «Ipsvich»ni uchinchi diviziondan Premyer-ligaga olib chiqishga muvaffaq bo‘ldi.
