"Atletik" darvozaboni Unai Simon shartnomasini uzaytirdi. 26 yoshli futbolchi 2029 yilning o‘rtalariga qadar tuzilgan mehnat shartnomasini imzoladi.
Unai Simon butun faoliyatini "Atletik"da o‘tkazdi. Asosiy tarkib uchun 194 ta rasmiy o‘yinda darvozabon 202 ta gol o‘tkazib yuborgan.
E’tibor bering, Simon Ispaniya terma jamoasining asosiy darvozaboni hisoblanadi. Jamoa yozda Yevropa chempionatida ishtirok etadi. Turnirning guruh bosqichidagi “qizil furiya”ning raqiblari Italiya, Xorvatiya va Albaniya terma jamoalari bo‘ladi.
