Germaniya Superkubogi uchun bahsda «Bayer» «Shtutgart»ga qarshi maydonga tushadi.
O‘yin 17 avgust kuni bo‘lib o‘tadi, uchrashuv joyi hali aniqlanmagan.
Leverkuzenliklar bu o‘yinda Bundesliga chempioni va 2024 yilgi Germaniya kubogi g‘olibi sifatida, shvabiyaliklar esa milliy chempionat kumush medali sohiblari sifatida ishtirok etishadi.
«Shtutgart» bir marta, 1992 yilda Germaniya Superkubogini qo‘lga kiritgan. Bungacha «Bayer» bunday bahsda faqat 1993 yilda ishtirok etgan, o‘shanda «Verder»ga yutqazgan (2:2, penaltilar - 6:7).
Superkubokdagi g‘alabalar bo‘yicha rekordchi «Bavariya» (10 marta).
So‘nggi marta «RB Leypsig» 2023 yilda myunxenliklarni 3:0 hisobida mag‘lub etgandi.
