Joriy yilning 22-26 may kunlari Peru poytaxti Lima shahrida og‘ir atletika bo‘yicha o‘smirlar o‘rtasida jahon chempionati bo‘lib o‘tdi.

Ushbu musobaqada ishtirok etgan O‘zbekiston terma jamoasi a’zolari yakunda 2 ta oltin, 6 ta kumush, 4 ta bronza, jami 12 ta medal qo‘lga kiritgan holda dunyoning 50 ga yaqin davlati orasida umumjamoa hisobida 7-o‘rinni egalladi.

Limadagi jahon chempionatida g‘olib va sovrindor bo‘lgan sportchilarimizni yana bir bor tanishtirib o‘tamiz:

Marjona Abdumutalova:
Dast ko‘tarish: 82 kg (bronza)
Siltab ko‘tarish: 100 kg (kumush)
Ikkikurash: 182 kg (bronza)

Ruslan Rahmatjonov:
Dast ko‘tarish: 139 kg (kumush)
Siltab ko‘tarish: 172 kg (oltin)
Ikkikurash: 311 kg (oltin)

Bekzod G‘ofirjonov:
Dast ko‘tarish: 141 kg (bronza)
Siltab ko‘tarish: 183 kg (kumush)
Ikkikurash: 324 kg (bronza)

Omadillo Olimov:
Dast ko‘tarish: 150 kg (kumush)
Siltab ko‘tarish: 195 kg (kumush)
Ikkikurash: 345 kg (kumush)

O‘smirlar o‘rtasidagi jahon chempionati raqamlarda

E’tiboringizga musobaqa bilan bog‘liq ayrim muhim ma’lumotlarni taqdim etamiz:

Ushbu dunyo birinchiligida sayyoramizning 43 ta mamlakatidan 242 nafar sportchi ishtirok etdi.

O‘zbekiston terma jamoasi a’zolari yakunda 2 ta oltin, 6 ta kumush, 4 ta bronza, jami 12 ta medal qo‘lga kiritdi.

O‘zbekiston medallar bo‘yicha umumjamoa hisobida erkaklar orasida (2 ta oltin, 5 ta kumush, 2 ta bronza) 7-o‘rinni egalladi va kuchli o‘nlikdan joy oldi.

Umumiy ochkolar klassifikasiyasiga ko‘ra erkaklar o‘rtasida Gruziya terma jamoasi tengsiz bo‘ldi, ayollarda esa Meksika 1-o‘rinni band etdi.

Medallar bo‘yicha umumjamoa hisobida 1-o‘rinni Venesuela terma jamoasi (4 ta oltin, 5 ta kumush, 2 ta bronza) egallagan bo‘lsa, erkaklar orasida birinchi bo‘lish Misr terma jamoasiga (3 ta oltin, 5 ta kumush, 2 ta bronza) nasib etdi.