"Manchester Siti" vingeri Jek Grilish yozda jamoasini tark etish ehtimoli past. Jurnalist Sem Lining ma’lumotlariga ko‘ra, ingliz futbolchisi keyingi mavsumda ham Pep Gvardiola jamoasida qolishi kutilmoqda.
Avvalroq "Manchester Siti" uch yil avval 117,5 million yevroga sotib olingan Grilishni yozda sotishga qarshi emasligi haqida xabar berilgandi. Angliyalik futbolchiga "Bavariya" va Londonning "Chelsi" klublari qiziqish bildirishgan.
Eslatib o‘tamiz, Premyer-liga ortda qolgan mavsumida Grilish yigirmata o‘yinda uchta gol va bitta golli uzatmani amalga oshira olgandi.
