"Manchester Yunayted" xo‘jayinlaridan biri bo‘lgan biznesmen Jim Retkliff klubdagi transfer ishlarining beshta qoidasini joriy qildi.

Bu haqda The Sun gazetasi jurnalistlari xabar bermoqda. Birinchi talab - 25 yoshdan katta bo‘lmagan futbolchilar bilan shartnoma imzolash.

Ikkinchidan, super yulduzlarni sotib olmang. Uchinchidan, jamoaning o‘yin uslubini klub texnik direktori Jeyson Uilkox belgilaydi.

To‘rtinchidan, murabbiy kuchaytirish kerak bo‘lgan pozisiyani ko‘rsatadi, lekin ta’sir qiluvchi bo‘lmaydi.

Beshinchidan, klub boshliqlari murabbiylar shtabiga har bir pozisiya uchun uchtadan nomzodni taklif qiladi.

Hozirda jamoa murabbiyi lavozimini Erik ten Xag egallab turibdi. Uning qo‘l ostida jamoa o‘tgan mavsumda Angliya kubogini qo‘lga kiritdi.