Londonning "Tottenxem" klubi o‘z hujumchisi Risharlisonni sotish bo‘yicha takliflarni ko‘rib chiqishga tayyor.
Jurnalist Den Kilpatrikning ma’lumotlariga ko‘ra, "shporlar" braziliyalik futbolchini yozda Anj Postekoglu jamoasida qolishni rejalashtirayotganini aytganiga qaramay, sotishga tayyor.
Qayd etilishicha, "Tottenxem" Risharlisonni sotib, raqib darvozasi oldida samaraliroq harakat qiladigan boshqa hujumchini transfer qilish uchun yaxshigina pul ishlab topmoqchi.
Eslatib o‘tamiz, Risharlison o‘tgan mavsumda Premyer-ligada 11 ta gol urdi va 4 ta golli uzatmani amalga oshirdi. "Tottenxem" chempionatda 19 ta gol urgan "Bornmut"dan Dominik Solankaga qiziqish bildirayotgani haqida avvalroq xabar berilgandi.
