Hujumchi Edinson Kavani termadagi faoliyatini yakunlashga qaror qildi.
Bu haqda futbolchi o‘zining ijtimoiy tarmoqlarida ma’lum qildi. 37 yoshli Kavani 2008 yildan buyon o‘z terma jamoasi safida to‘p tepgan va terma jamoa safida 136 o‘yin o‘tkazgan va bu o‘yinlarda u 58 gol urgan va jamoadoshlari uchun 17 golga assistentlik qilgan.
Ayni damda Kavanining shartnomasi Argentinaning "Boka Xuniors" klubiga tegishli bo‘lib, kelishuv shu yilning 31 dekabriga qadar amal qiladi.
Joriy mavsumda forvard 17 ta o‘yin o‘tkazib, 11 ta gol urishga erishdi.
