Kataloniyaning «Barselona» klubi bosh murabbiyi Xans-Diter Flik qanot himoyachisi Joau Kanseluni kelasi mavsum uchun rejalariga kiritmagan. Nemis mutaxassisi portugaliyalikni keyingi mavsumda o‘z jamoasida ko‘rmayapti, deb ta’kidlaydi "Relevo". Flik uning jamoani tark etishining asosiy sababi sifatida futbolchining beqarorligini ko‘rsatdi.
Eslatib o‘tamiz, «blaugrana» o‘tgan yozda «Manchester Siti»dan Kanseluni ijaraga olgandi. 2023/2024 yilgi mavsumda portugaliyalik futbolchi «Barselona» safida 42 ta o‘yin o‘tkazib, 4 ta gol va 5 ta golli uzatmaga mualliflik qilgan.
Mavsum yakuniga ko‘ra, «Barselona» Ispaniya chempionati jadvalida ikkinchi o‘rinni egalladi.
