Каталониянинг «Барселона» клуби бош мураббийи Ханс-Дитер Флик қанот ҳимоячиси Жоау Канселуни келаси мавсум учун режаларига киритмаган. Немис мутахассиси португалияликни кейинги мавсумда ўз жамоасида кўрмаяпти, деб таъкидлайди "Relevo". Флик унинг жамоани тарк этишининг асосий сабаби сифатида футболчининг беқарорлигини кўрсатди.
Эслатиб ўтамиз, «блауграна» ўтган ёзда «Манчестер Сити»дан Канселуни ижарага олганди. 2023/2024 йилги мавсумда португалиялик футболчи «Барселона» сафида 42 та ўйин ўтказиб, 4 та гол ва 5 та голли узатмага муаллифлик қилган.
Мавсум якунига кўра, «Барселона» Испания чемпионати жадвалида иккинчи ўринни эгаллади.
