"Yuventus" himoyachisi Din Xeysenga "Nyukasl" va "Atalanta" qiziqish bildirmoqda, deya xabar beradi jurnalist Nikolo Skira.
Manbaning xabariga ko‘ra, har ikki klub 19 yoshli niderlandiyalikni shu yozda o‘z safiga qo‘shib olmoqchi. Futbolchi uchun «Bolonya» ham da’vogarlik qilmoqda.
Xeysen 2021 yilning iyulidan beri "Yuventus" tizimida o‘ynamoqda. 2023/24 yilgi mavsumning ikkinchi yarmida futbolchi "Roma"da ijara asosida o‘ynadi. Rimliklar safida himoyachi 14 uchrashuvda 2 ta gol urdi va 1 ta golli uzatmani amalga oshirdi.
