"Manchester Siti" 32 yoshli hujumkor yarim himoyachi Kevin De Bryuyne bilan shartnomani uzaytirish bo‘yicha muzokara jarayonini tezlashtirmoqchi. Bu haqda Football Insider xabar bermoqda.
Manbaga ko‘ra, De Bryuyne Angliya chempionatining joriy mavsumida "Manchester Siti"ning g‘alabasiga katta hissa qo‘shganidan so‘ng, "shaharliklar" rahbariyati belgiyalik futbolchini klubda saqlab qolishga qaror qilgan.
Eslatib o‘tamiz, joriy mavsum De Bryuyne barcha turnirlarda 26 ta o‘yinda ishtirok etib, 6 ta gol va 18 ta golli uzatmani amalga oshirgan. Futbolchining klub bilan amaldagi shartnomasi 2025 yilning yoziga qadar mo‘ljallangan.
