"Manchester Yunayted" Jeydon Sanchoning kelajagi haqida gaplashadi.
ESPN xabariga ko‘ra, klub mavsumoldi mashg‘ulotlari boshlanishidan oldin Sancho va uning agentlari bilan muzokaralar o‘tkazishni rejalashtirgan. Sanchoning "Manchester Yunayted"dan ketish ehtimoli katta, ammo vingerning yuqori maoshi va transfer narxi uning potensial sotilishiga muammo tug‘dirishi mumkin.
Ma’lum qilinishicha, Sancho mavsumning ikkinchi yarmida ijara asosida o‘ynagan Dortmundning "Borussiya"si Jeydonni o‘zida saqlab qolmoqchi va uning ijara muddatini uzaytirish haqida o‘ylamoqda. Futbolchi ham o‘z navbatida Dortmund klubida qolishni istaydi.
Sancho qishda "Borussiya"ga qaytdi va Bundesliganing 14 ta uchrashuvida 2 ta gol urdi.