"Манчестер Юнайтед" Жэйдон Санчонинг келажаги ҳақида гаплашади.
ESPN хабарига кўра, клуб мавсумолди машғулотлари бошланишидан олдин Санчо ва унинг агентлари билан музокаралар ўтказишни режалаштирган. Санчонинг "Манчестер Юнайтед"дан кетиш эҳтимоли катта, аммо вингернинг юқори маоши ва трансфер нархи унинг потенциал сотилишига муаммо туғдириши мумкин.
Маълум қилинишича, Санчо мавсумнинг иккинчи ярмида ижара асосида ўйнаган Дортмунднинг "Боруссия"си Жэйдонни ўзида сақлаб қолмоқчи ва унинг ижара муддатини узайтириш ҳақида ўйламоқда. Футболчи ҳам ўз навбатида Дортмунд клубида қолишни истайди.
Санчо қишда "Боруссия"га қайтди ва Бундеслиганинг 14 та учрашувида 2 та гол урди.