"Sautgempton" o‘z safiga yangi hujumchini qo‘shib olmoqchi. Jurnalist Jek Rosser bergan ma’lumotlarga ko‘ra, jamoa "Manchester Siti" hujumchisi Liam Delapga ko‘z tikmoqda.
21 yoshli ingliz futbolchisi o‘tgan mavsumni Chempionshipda "Xall Siti"da ijara asosida o‘tkazdi. "Sautgempton" Liamning Angliya Premyer-ligasida jamoaga foydali bo‘lishiga ishonmoqda. Biroq Delap "Sautgempton"ning qisqa ro‘yxatidagi yagona hujumchi emas.
Transfermarkt yosh hujumchining bozor narxini 8 million yevroga baholamoqda. Faoliyati davomida Liam "Manchester Siti" bilan Angliya Premyer-ligasida atigi ikkita o‘yin o‘tkazgan.