Katta doirada tanilmagan «Kerekedxaza» klubi ligada chempion bo‘lish uchun oxirgi o‘yinni 42ta gol farqi bilan o‘z foydasiga hal qilishi kerak edi.

Qarangki, «Nailoj, vazifani bajaramiz» shiori ostida maydonga tushgan jamoa 43:1 hisobini qayd etdi yakunda.

Gap Vengriya chempionati tizimidagi U-14 birinchiligida ro‘y bergan voqelik haqida ketmoqda. Tabiiyki, «Kerekedxaza»ning ushbu natijasi mahalliy futbol federasiyani ham befarq qoldirmadi va 43:1 yuzasidan tegishli surishtiruv ishlari boshlanib ketdi. Binobarin, shundan so‘ng jamoaning umumiy gollar nisbati }132ga yetdi. Oqibatda +131 ko‘rsatkichiga ega bechora «Mikloshi» 2-o‘rin bilan cheklandi.

Aytgancha, Vengriya chempionatining yana bir yosh toifasidagi guruhida chempionlik oxirgi tur o‘yinini 17:2 hisobida o‘z foydasiga hal qilgan jamoaga nasib etdi. Eng qiziq tomoni, undan 1-o‘rinni egallash uchun aynan 15ta gol farqi bilan g‘alaba qozonish talab etilgandi. Ha, Vengriya bolalar futbolida natija ortidan quvish avj pallaga chiqqan ko‘rinadi...