"Nyukasl"ning braziliyalik yarim himoyachisi Bruno Gimaraynsh kelajagi haqidagi savolga javob berdi.
"Mening "Nyukasl" bilan shartnomam bor. Men bu yerda juda xursandman. Mening ismim katta klublar bilan bog‘langanini ko‘rish juda yoqimli. Bu men o‘z ishimni yaxshi bajarayotganimni anglatadi", - deya Gimaraynshning so‘zlarini keltiradi jurnalist Fabrisio Romano.
Gimaraynsh uchun kurashda “Manchester Siti” favorit ekani avvalroq xabar qilingandi. O‘tgan mavsumda 26 yoshli yarim himoyachi barcha musobaqalarda 50ta o‘yinda maydonga tushib, raqiblar darvozasiga 7 marta gol urdi va o‘nta golli uzatmani amalga oshirdi.