Matbuotda hujumkor yarim himoyachi Xvicha Kvarasxeliyaning kelajagi haqida yangi ma’lumotlar paydo bo‘ldi.
La Gazette Dello Sport xabariga ko‘ra, gruziyalik futbolchi tez orada "Napoli" bilan yangi shartnoma imzolashi mumkin. A Seriya klubi Xvichaga maoshini yiliga 1,5 million yevrodan 4 million yevrogacha oshirish va bonuslarni taklif qildi. Gruziyalik futbolchi mavsum uchun 5 million yevro so‘ragan va manbaga ko‘ra, klub bu shartni qabul qilishi kutilmoqda.
Shu bilan birga, "PSJ" 23 yoshli Kvarasxeliyaga yiliga 7,5 million yevro maosh taklif qilayotgani qayd etilgan.
2023/2024 yilgi mavsumda Xvicha 45 ta o‘yin o‘tkazib, 11 ta gol urdi va sheriklariga 9 ta golli uzatma berdi.
