"Barselona" markaziy himoyachisi Jyul Kunde o‘ng qanot himoyachisi sifatidagi o‘yini haqida gapirdi.

Aytish joizki, Kunde o‘tgan mavsumda aksariyat o‘yinlarni qanotda o‘tkazgan.

"Albatta, men hali o‘sishim kerak va men buni qilishga harakat qilaman. Bu vaqt talab etadi, lekin odamlar mening taraqqiyotimni allaqachon payqashdi, deb o‘ylayman”, — deya Kunde so‘zlarini keltiradi Le Parisen.

O‘tgan mavsumda 25 yoshli fransiyalik barcha musobaqalarda 48 ta o‘yinda ishtirok etib, 2 ta gol urdi va 4 ta golli uzatmani amalga oshirdi.