Madridning “Real” klubi ispaniyalik tennischi Karlos Alkarasni Fransiyadagi “Katta dubulg‘a” turkumiga kiruvchi “Rolan Garros” turniridagi ilk g‘alabasi bilan tabrikladi.
“Rolan Garros"dagi ilk g‘alabangiz bilan tabriklayman, aziz Karlos! Biz Madridistlar sizning “Katta Dubulg‘a” turniridagi uchinchi g‘alabangizdan juda faxrlanamiz. Bugun siz bizga ajoyib tennisingizdan zavqlanish imkoniyatini berdingiz. Ajoyib! Tabriklaymiz”, deyiladi klub xabarida.
Qizig‘i shundaki, Karlos Alkaras "Katta Dubulg‘a"da uchta turli qoplamali kortlarda g‘olib chiqqan tarixdagi eng yosh tennischiga aylandi.
