"Manchester Yunayted"da ijara asosida o‘ynagan yarim himoyachisi Sofyan Amrabat "qizil iblislar"da doimiy ravishda qolishni istaydi.
Il Corriere dello Sport nashri xabariga ko‘ra, marokashlik futbolchi "Fiorentina"ga qaytib, keyin yangi jamoa izlamoqchi emas. Eslatib o‘tamiz, “Manchester Yunayted” o‘tgan yozda Amrabatni ijaraga olgandi, biroq yarim himoyachi rahbariyatni doimiy asosda shartnoma tuzishga ko‘ndira olmadi.
Sofyan mavsumning so‘nggi o‘yinlarida yaxshi o‘ynadi, shundan so‘ng marokashlik futbolchini hali ham sotib olishiga umid bor edi.
Eslatib o‘tamiz, Amrabat “Manchester Yunayted” bilan Angliya kubogini qo‘lga kiritgandi. Futbolchining “Fiorentina” bilan shartnomasi kelasi yozda yakuniga yetadi.
