Germaniyada “Bavariya”ning sobiq futbolchisi Frans Bekkenbauerning xotirasi 2024 yilgi Yevropa chempionatining ochilish marosimida sharaflanadi.

Futbolchilik faoliyatida Bekkenbauer Germaniyaning “Bavariya” va “Gamburg” klublarida, shuningdek, Amerikaning “Nyu-York Kosmos” klublarida o‘ynagan. Hammasi bo‘lib Frans klub darajasidagi barcha turnirlarda 620 ta o‘yin o‘tkazib, 74 ta gol va 75 ta golli uzatmani amalga oshirgan.

Bekkenbauer, shuningdek, Germaniya terma jamoasi safida 103 ta o‘yinda qatnashib, 14 ta gol urgan, shuningdek, bir martadan jahon chempionati va Yevropa chempioni bo‘lgan.

Bundan tashqari, sobiq futbolchi ikki marta (1972 va 1976 yillarda) "Oltin to‘p" sovrinini qo‘lga kiritgan, uch marta Chempionlar ligasida, besh marta Germaniya Bundesligasida, to‘rt marta Germaniya kubogida g‘olib chiqqan.

Shuningdek, 1990 yilda Germaniya terma jamoasida murabbiy sifatida Bekkenbauer jahon chempionatida g‘alaba qozongan, "Bavariya"da esa bir marta Bundesliga va UEFA kubogini qo‘lga kiritgan.