Германияда “Бавария”нинг собиқ футболчиси Франц Беккенбауэрнинг хотираси 2024 йилги Европа чемпионатининг очилиш маросимида шарафланади.
Футболчилик фаолиятида Беккенбауэр Германиянинг “Бавария” ва “Гамбург” клубларида, шунингдек, Американинг “Нью-Йорк Космос” клубларида ўйнаган. Ҳаммаси бўлиб Франц клуб даражасидаги барча турнирларда 620 та ўйин ўтказиб, 74 та гол ва 75 та голли узатмани амалга оширган.
Беккенбауэр, шунингдек, Германия терма жамоаси сафида 103 та ўйинда қатнашиб, 14 та гол урган, шунингдек, бир мартадан жаҳон чемпионати ва Европа чемпиони бўлган.
Бундан ташқари, собиқ футболчи икки марта (1972 ва 1976 йилларда) "Олтин тўп" совринини қўлга киритган, уч марта Чемпионлар лигасида, беш марта Германия Бундеслигасида, тўрт марта Германия кубогида ғолиб чиққан.
Шунингдек, 1990 йилда Германия терма жамоасида мураббий сифатида Беккенбауэр жаҳон чемпионатида ғалаба қозонган, "Бавария"да эса бир марта Бундеслига ва УEФА кубогини қўлга киритган.
