"Barselona" "Atletiko Madrid"ga tegishli hujumchi Joau Feliksni o‘z safida saqlab qolishga harakat qilmoqda. Portugaliyalik futbolchi o‘tgan mavsumni ijara asosida o‘ynagan Kataloniya klubida o‘tkazdi.

Mundo Deportivo xabariga ko‘ra, "Barselona" 24 yoshli futbolchini qayta ijaraga olish ustida ishlashda davom etmoqda, biroq "Atletiko" 50 million yevroga to‘liq transferni talab qilmoqda.

Joau Feliks “Barselona” safida 44 ta o‘yinda maydonga tushib, 10 ta gol urdi va 6 ta golli uzatmani amalga oshirdi. Forvardning "matraschilar" bilan shartnomasi 2029 yilgacha mo‘ljallangan.