"Барселона" "Атлетико Мадрид"га тегишли ҳужумчи Жоау Феликсни ўз сафида сақлаб қолишга ҳаракат қилмоқда. Португалиялик футболчи ўтган мавсумни ижара асосида ўйнаган Каталония клубида ўтказди.
Mundo Deportivo хабарига кўра, "Барселона" 24 ёшли футболчини қайта ижарага олиш устида ишлашда давом этмоқда, бироқ "Атлетико" 50 миллион еврога тўлиқ трансферни талаб қилмоқда.
Жоау Феликс “Барселона” сафида 44 та ўйинда майдонга тушиб, 10 та гол урди ва 6 та голли узатмани амалга оширди. Форварднинг "матрасчилар" билан шартномаси 2029 йилгача мўлжалланган.
