Лондоннинг «Арсенал» клуби футболчиси Габриэл Мартинелли «Барселона» сафига ўтиши мумкин.

Каталония клуби бразилиялик футболчига даъвогарлар сафини тўлдирди, дея хабар бермоқда Managing Barca нашри CaughtOffsideʼга таяниб. Бундан аввал 24 ёшли ўйинчига «Бавария» ва «ПСЖ» клублари томонидан ҳам қизиқиш борлиги айтилган эди.

Машҳур Transfermarkt портали экспертлари Габриэл Мартинеллининг трансфер қийматини 45 миллион еврога баҳоламоқда. Вингернинг «канонирлар» билан амалдаги меҳнат шартномаси 2027 йилнинг ўрталарига қадар мўлжалланган, бироқ унда шартномани яна бир йилга узайтириш банди ҳам мавжуд.

Якунланган мавсумда Мартинелли «Арсенал» сафида 53 та учрашувда майдонга тушиб, 11 та гол ва 7 та голли узатмага муаллифлик қилди.