"Manchester Yunayted" futbolchilari Erik ten Xagning qolishini kutmagan edi.
Oldinroq klub bosh murabbiy bilan hamkorlikni davom ettirishga qaror qilgani ma’lum bo‘lgandi.
Telegraph nashri xabariga ko‘ra, "MYU" o‘yinchilari klubning ten Xagni saqlab qolish haqidagi qarorini seshanba kuni kechqurun OAVda e’lon qilingandan keyingina bilishgan. Bungacha ular niderlandiyalik mutaxassisning ishdan bo‘shatilishini eng ehtimoliy ssenariy deb hisoblashgan. Klubning boshqa murabbiylar bilan olib borgan muzokaralari bu boradagi ishonchni yanada kuchaytirdi.
Ko‘pchilik o‘yinchilar murabbiy bilan bog‘liq noaniqlik endi bartaraf etilganidan va klub yozgi rejalarini amalga oshirishi mumkinligidan mamnun.
Manbalar, shuningdek, "MYU" angliyalik Garet Sautgeyt kabi afzal ko‘rgan nomzodni imzolashni kutib, ten Xagni ishdan bo‘shatishni kechiktirayotgani haqidagi nazariyalarni rad etdi.
