"Манчестер Юнайтед" футболчилари Эрик тен Хагнинг қолишини кутмаган эди.
Олдинроқ клуб бош мураббий билан ҳамкорликни давом эттиришга қарор қилгани маълум бўлганди.
Telegraph нашри хабарига кўра, "МЮ" ўйинчилари клубнинг тен Хагни сақлаб қолиш ҳақидаги қарорини сешанба куни кечқурун ОАВда эълон қилингандан кейингина билишган. Бунгача улар нидерландиялик мутахассиснинг ишдан бўшатилишини энг эҳтимолий сценарий деб ҳисоблашган. Клубнинг бошқа мураббийлар билан олиб борган музокаралари бу борадаги ишончни янада кучайтирди.
Кўпчилик ўйинчилар мураббий билан боғлиқ ноаниқлик энди бартараф этилганидан ва клуб ёзги режаларини амалга ошириши мумкинлигидан мамнун.
Манбалар, шунингдек, "МЮ" англиялик Гарет Саутгейт каби афзал кўрган номзодни имзолашни кутиб, тен Хагни ишдан бўшатишни кечиктираётгани ҳақидаги назарияларни рад этди.
