"Bavariya"ning yangi futbolchisi Xiroki Ito Myunxen klubi bilan shartnoma imzolashi haqida fikr bildirdi.
"Dunyoning eng yirik klublaridan birida o‘ynash men uchun katta sharaf. Men Myunxendagi sayohatimni intiqlik bilan kutyapman va "Bavariya"ning ko‘plab sovrinlarni yutishiga hissa qo‘shmoqchiman. Yangi qadam tashlash vaqti keldi va menimcha, "Bavariya" buning uchun ideal klub", - dedi Ito myunxenliklar matbuot xizmatiga.
13 iyun, payshanba kuni "Bavariya" "Shtutgart"dan Itoni sotib olganini e’lon qildi. OAV xabarlariga ko‘ra, bitim 30 million yevroni tashkil qilgan. Tomonlar o‘rtasida 2028 yilgacha shartnomasi imzolangan. O‘tgan mavsumda "Bavariya" Germaniya chempionatida uchinchi o‘rinni egalladi.