Germaniya va Shotlandiya terma jamoalari to‘qnash kelgan Yevropa chempionati “A” guruhi 1-tur uchrashuvi yakunlandi. Germaniya terma jamoasi 5:1 hisobida zafar quchdi.
Shu tariqa, Germaniya sakkizinchi marta Yevroning ochilish o‘yinida g‘alaba qozondi. Bu Opta xabariga ko‘ra, rekord ko‘rsatkichdir.
Qayd etilishicha, Fransiya terma jamoasi Yevropa chempionatining oltita ochilish uchrashuvida g‘alaba qozonishga muvaffaq bo‘lgan.
Yevropa chempionati 14 iyundan 14 iyulga qadar Germaniyada bo‘lib o‘tadi. “A” guruhida Germaniya va Shotlandiyadan tashqari Vengriya va Shveysariya terma jamoalari ham bor.
