"Barselona" himoyachisi Joau Kanselu Portugaliya terma jamoasining kuchi haqida gapirdi.
Seshanba kuni portugallar Yevro-2024ni Chexiya terma jamoasiga qarshi o‘yin bilan boshlaydi.
"Portugaliyaning eng kuchli avlodi? Bizda juda sifatli jamoa bor, lekin hozirda bunday deyish qiyin.
Biz o‘tmishda kuchli avlodlarni ko‘rganmiz - masalan, 2004 yilda Portugaliya fenomenal o‘yinchilari bilan Yevro finaliga chiqqandi.
2016 yilgi turnirda g‘olib chiqqan jamoa ham ko‘pchilikning yodida qolgan. Bu muvaffaqiyatni takrorlasak, biz ham tarixda qolib ketamiz.
Umid qilamanki, biz buni uddalay olamiz", - dedi Kanselu.
