"Барселона" ҳимоячиси Жоау Канселу Португалия терма жамоасининг кучи ҳақида гапирди.
Сешанба куни португаллар Евро-2024ни Чехия терма жамоасига қарши ўйин билан бошлайди.
"Португалиянинг энг кучли авлоди? Бизда жуда сифатли жамоа бор, лекин ҳозирда бундай дейиш қийин.
Биз ўтмишда кучли авлодларни кўрганмиз - масалан, 2004 йилда Португалия феноменал ўйинчилари билан Евро финалига чиққанди.
2016 йилги турнирда ғолиб чиққан жамоа ҳам кўпчиликнинг ёдида қолган. Бу муваффақиятни такрорласак, биз ҳам тарихда қолиб кетамиз.
Умид қиламанки, биз буни уддалай оламиз", - деди Канселу.
