Fransiya terma jamoasi bosh murabbiyi Dide Desham 2024 yilgi Yevropa chempionati guruh bosqichi 1-turida Avstriya terma jamoasiga qarshi o‘yindagi g‘alaba (1:0) haqida gapirdi.
"Futbolchilarimning harakatlaridan qoniqish hosil qildim. Bizda hamma narsani ertaroq yakunlash uchun imkoniyatlar bo‘ldi, ammo oson o‘yinlar yo‘q. Hujumda zo‘r o‘yinchilarga ega bo‘lsak-da, hammasini yaxshi bajara olmadik. Biz hujumda aniqroq bo‘lishimiz kerak edi, lekin, albatta, asosiysi, turnirni g‘alaba bilan boshladik", dedi Desham.
Dastlabki turdan so‘ng fransuzlar va gollandlar uch ochkodan jamg‘arishdi.
